How To Balance Family-At-Home and Work-From-Home

Workplace Success 24 Mar 2020
How To Balance Family-At-Home and Work-From-Home | Blog from New Day Jobs

Work life balance ဆိုတာက လုပ်ငန်းခွင်က လူတိုင်းအတွက် ခက်ခဲတဲ့အရာဖြစ်ပါတယ်။Work ကော Life ကော အရေးကြီးပြီး နှစ်ခုလုံးက ကျွန်တော်တို့အတွက် အချိန်ကုန်တဲ့အရာ ဖြစ်ပါတယ်။တကယ်လို့ သင်က ရုံးမှာ အလုပ်လုပ်နေတယ်ဆိုရင်တော့ work တစ်ခုတည်းကိုပဲ အာရုံစိုက်နိုင်ပါတယ်။သို့ပေမယ့် အိမ်မှာ လုပ်မယ်ဆိုရင်တော့ အိမ်မှာ မိသားစုရှိတဲ့အတွက် အလုပ်တစ်ခုတည်း အာရုံနှစ်ထားဖို့က မလွယ်ကူပါဘူး။အဲ့တာကြောင့် အဲ့အခက်အခဲတွေကို ဖြေရှင်းဖို့ သင့်အနေနဲ့ လိုက်နာရမယ့်အချက်တွေက ရှိနေပါတယ်။

၁။ အခြေခံစည်းကမ်းချက်လေးတွေကို ချမှတ်ပြီးလိုက်နာပါ

အခုတလော COVID - 19 ကြောင့် အလုပ်တွေကို work from home လုပ်ကြရပါတယ်။အိမ်ကနေ အလုပ်လုပ်တဲ့အခါ တစ်ကိုယ်တည်းနေတဲ့ သူတွေအတွက် အဆင်ပြေပေမယ့် မိသားစုနဲ့ အလုပ်လုပ်တဲ့သူတွေအတွက် ကတော့ အနှောင့်အယှက်တွေနဲ့ အလုပ်တွေ ရှေ့မရောက်ပဲ ပြီးသင့်သလောက်မပြီး ဖြစ်နေတတ်ပါတယ်။Work-from-home အတွက် rule တွေ ချမှတ်ထားတာက သင်အိမ်မှာ အလုပ်လုပ်တဲ့အခါ သင်ဘာလုပ်နိုင်လဲ ပြီးတော့ သင် ဘာမလုပ်နိုင်ဘူးလဲဆိုတဲ့ မှန်ကန်တဲ့ ဆုံးဖြတ်ချက် Goal တွေကို ချမှတ်နိုင်မှာ ဖြစ်ပါတယ်။အလုပ်ကို အိမ်မှာ လုပ်တဲ့အခါ မိသားစုနဲ့ အလုပ်အပေါ် အချိန်ပေးတဲ့အခါ စည်းစနစ်ရှိဖို့ လိုပါတယ်။အဲ့လို စည်းစနစ်ရှိခြင်းက အနှောင့်အယှက်တွေကို ရှောင်ကြဉ်စေနိုင်ပြီး အလုပ်အပေါ် ပေါ့သွားတာတွေ မရှိနိုင်ပါဘူး။အနှောင့်အယှက်လို့ပြောတဲ့အခါမှာ မိသားစုတွေကို ပြောတာပဲ မဟုတ်ပဲ သင်လုပ်ရမယ့် အိမ်အလုပ်တွေ၊အိမ်က လူတွေဖွင့်တဲ့ TV နဲ့ social media တွေလည်း ဖြစ်နိုင်ပါတယ်။အဲ့တာကြောင့် အနှောင့်အရှက်လေးတွေကို ဘယ်လို ကိုင်တွယ်ရမလဲဆိုတာအတွက် နေ့စဉ် goal လေးတွေကို သတ်မှတ်ထားသင့်ပါတယ်။

၂။ Goal တွေကို ချမှတ်ပါ

သင့် ground rule ကို လိုက်နာဖို့၊သင့် စီးပွားရေးကို တိုးတက်ဖို့၊မိသားစုတွေနဲ့အချိန်ကုန်ဆုံးဖို့နဲ့ သင့် career ကို မြှင့်တင်ဖို့ အစရှိတဲ့ Goal တွေကို သင့်မှတ်ပေမယ့် ရည်ရွယ်ချက်ကတော့ အနှောင့်အယှက်တွေကို တားဆီးဖို့ ဖြစ်ပါတယ်။အဲ့ Goal တွေကို အောင်မြင်နိုင်ဖို့ကတော့ သင်ကြိုးစားရပါမယ် ပြီးတော့ သင့်ရဲ့နေ့စဉ် အလုပ်တွေထက် ရှေ့တန်းတင်ရပါမယ်။အဲ့လိုကြိုးစားပြီး ရှေ့တန်းတင်ခြင်းအားဖြင့် သင် Goal တွေကို တဖြည်းဖြည်းခြင်းနဲ့ ရောက်ရှိနိုင်မှာဖြစ်ပါတယ်။ရှေရှည် goal ပဲ ဖြစ်ဖြစ် ရေတို goal ပဲဖြစ်ဖြစ် သင့်ရဲ့ value တွေကို အခြေခံတဲ့ goal ဖြစ်ဖို့ လိုအပ်ပါတယ်။

၃။ စနစ်တကျ နေထိုင်ပါ

ရုံးမှာကော အိမ်မှာကော ဘယ်မှာပဲ လုပ်လုပ် စနစ်တကျရှိဖို့ လိုအပ်ပါတယ်။သင့်ရုံးမှာကော အိမ်မှာပါ သင့်ကို စနစ်တကျ ဖြစ်စေမယ့် ပုံစံတစ်ခုကို တည်ဆောက်သင့်ပါတယ်။အဲ့ စားချိန်မှာ စား။အလုပ်လုပ်ချိန်မှာ လုပ်ပြီး သင့်ရဲ့ အချိန်ကို စနစ်တကျ အသုံးပြုရအောင်။အိမ်မှာ အလုပ်လုပ်တဲ့အခါမှာလည်း သင်အလုပ်လုပ်တဲ့နေရာကို သန့်သန့်ရှင်းရှင်းနဲ့ ထားပေးနိုင်ရင် ပိုကောင်းပါတယ်။သင်တစ်ယောက်တည်းမဟုတ်ပဲနဲ့ သင့်မိသားစုရဲ့ အချိန်စာရင်းကိုပါ သေချာ စီစစ်ပေးပြီး မိသားစုအချိန်ကို ဖန်တီးသင့်ပါတယ်။အဲ့လိုလုပ်ခြင်း အားဖြင့် အချိန်ကုန်ပေမယ့် သင့်ရဲ့ lifestyle ကို စနစ်တကျ ဖြစ်စေမှာပ်။

၄။ ပြောင်းလဲမှုများကို လက်ခံပါ။သင်အိမ်မှာ လုပ်ရတဲ့ အခါမှာ ချက်ချင်းကြီးတော့ သင် အလုပ်တွေ ပြီးမှာ မဟုတ်သလို စနစ်တကျဖြစ်မှာ မဟုတ်သေးပါဘူး။အခြေအနေကြောင့် work from home လုပ်ရတဲ့အတွက် အခက်အခဲတွေ စိတ်တိုင်းမကျတာတွေ ရှိနိုင်ပါတယ်။အဲ့အတွက်ကြောင့် သင်က သင့်မှာဖြစ်တဲ့ အပြောင်းအလဲတွေနဲ့ adjust လုပ်ပြီး နေနိုင်ဖို့ အရေးကြီးပါတယ်။

၅။ လုပ်နိုင်သလောက်ပဲ လုပ်ပါ

အိမ်မှာ နေပြီးအလုပ်လုပ်တဲ့အခါမှာ သင့်အနေနဲ့ ငါ ကားစီးပြီး ကုန်တဲ့အချိန်တွေအတွက် ပိုလုပ်မယ်။ငါ ရုံးမှာ အပြင်ထွက်စားတဲ့အချိန်အစား အိမ်မှာ အလုပ်ပိုလုပ်မယ် ဆိုတာမျိုး မစဉ်းစားပါနဲ့ ။ အိမ်မှာ အလုပ်လုပ်တာနဲ့ သင်အလုပ်ပိုပြီးရမယ် ပိုလုပ်ရမယ်လို မဆိုလိုပါဘူး။နိုင်သလောက် အလုပ်ကိုပဲ လုပ်ပါ။လုပ်ရမယ့် တာဝန်တွေကို ကျေပွန်အောင်လုပ်ပါ။

၆။ လုပ်ဖော်ကိုင်ဖက်တွေဆီက သင်ယူပြီး အမြဲထိတွေ့ပါ

အိမ်မှာ အလုပ်လုပ်တာက သင့်ရဲ့ skills တွေ တိုးတက်ဖို့နဲ့ သင့်လုပ်ဖော်ကိုင်ဖက်တွေရဲ့ ဆက်ဆံရေးကို ပြတ်တောက်စေတဲ့အရာ မဖြစ်စေပါနဲ့။သင့်အတွက် တစ်ဦးနဲ့တစ်ဦး ဆက်သွယ်ဖို့အတွက် အချိန်တွေ ပိုလိုအပ်ပေမယ့် အမြဲ အချိတ်အဆက် ရှိဖို့ လိုအပ်ပါတယ်။ရုံးမှာတော့ အချင်းချင်း စကားပြောဆိုရင် သင်ယူစရာတွေကို သင်ယူကြပါတယ်။အိမ်မှာ အလုပ်လုပ်ရင်တော့ အဲ့လို သင်ယူဖို့အတွက် ပိုပြီးခွန်အားစိုက်ထုတ်ရပါတယ်။သင်ရဲ့ professional နဲ့ ပတ်သတ်တဲ့ news letter တွေကို subscribe လုပ်ထားပါ။လုပ်ဖော်ကိုင်ဖက်တွေနဲ့ Over communicate လုပ်ပါ။

၇။ သင့်ကိုယ်သင် ဂရုစိုက်ပါ။

သင် အိမ်ကနေ အလုပ်လုပ်တဲ့အခါမှာ သင့်မိသားစုအရေး အလုပ်အရေးတွေကို ဦးစားပေးနေရတာနဲ့ သင့်ကိုယ်သင် ဂရုစိုက်ဖြစ်မှာ မဟုတ်ပါဘူး။အဲ့အတွက် သင့်ရဲ့ စိတ်ပိုင်းဆိုင်ရာ ရုပ်ပိုင်းဆိုင်ရာအတွက် သင်အချိန်ပေးဖို့ လိုအပ်ပါတယ်။ကိုယ်လက်လှုပ်ရှားခြင်း၊သင်စိတ်ဝင်စားတဲ့ ဝါသနာတစ်ခုခု လုပ်ခြင်းအားဖြင့် သင့်ကိုယ့်ကို ပြန်ဂရုစိုက်ပါ။

အထက်ပါနည်းလမ်းတွေကို ကျင့်သုံးပြီး ကျန်းကျန်းမာမာနဲ့ work from home လုပ်ရင်း အလုပ်တွေ အောင်မြင်ကြပါစေလို့ ဆုတောင်းပေးလိုက်ပါတယ်။

New Day Jobs ဆိုတာ မြန်မာနိုင်ငံတဝှမ်းလုံးက အလုပ်အကိုင်များကို ရှာဖွေ လျှောက်ထားနိုင်တဲ့ အလုပ်အကိုင် Website ဖြစ်ပါတယ်။ပိုမိုကောင်းမွန်တဲ့ အလုပ်အကိုင်များကို New Day Jobs မှာ အခုပဲ ရယူလိုက်ပါ။

Back

You will receive the email for your email confirmation. Please check!