How To Prepare For Your Remote Job Interview

Career Advice 08 May 2020
How To Prepare For Your Remote Job Interview | Blog from New Day Jobs

အခုအချိန်မှာ COVID - 19 ကြောင့် တချို့သော အလုပ်အကိုင်များက remote လုပ်လို့ရတဲ့အလုပ်အကိုင်တွေ ဖြစ်လာကြပါတယ်။နည်းပညာတွေကလည်း တိုးတက်လာတဲ့အလျောက် interview တွေကို ဖြေတဲ့အခါမှာလည်း online ကနေပဲ ဖြေဆိုတာမျိုးတွေကို လုပ်လာကြပါတယ်။ တစ်ယောက်နဲ့တစ်ယောက် မျက်နှာချင်းဆိုင်တွေ့ဆုံရတဲ့ interview မဟုတ်တဲ့အခါ စက်ကိရိယာတွေနဲ့ နည်းပညာရဲ့ အကူအညီကို ယူကြရတဲ့အခါ ပြင်ဆင်သင့်တဲ့ အချက်အလက်တွေကို သိခြင်းက သင့်အတွက် interview အောင်ဖို့ရန် အခွင့်အလမ်းများနိုင်မှာ ဖြစ်ပါတယ်။

Interview မဖြေခင် တစ်ရက်မှာ ကောင်းကောင်းအနားယူပါ

သင်က interview ဖြေရမယ်နေ့မှာ အိပ်ရေးမဝပဲ ဖြစ်နေမယ်ဆိုရင်တော့ သင့်အတွက် အနှောင့်အယှက်အကြီးကြီးဖြစ်နေပါလိမ့်မယ်။ မျက်နှာချင်းဆိုင်ကိုယ်တိုင်ဖြေရမယ်ဆိုရင်တော့ ပြင်ဆင်တာတွေ၊လမ်းလျှောက်ရတာတွေနဲ့ လန်းဆန်းပြီး စိတ်ကြည်လင်သွားနိုင်ပေမယ့် အိမ်မှာပဲ Laptop ရှေ့မှာ ဖြေရတဲ့အခါမှာ ကိုယ်ရဲ့ မကြည်လင်တဲ့ပုံပန်းသွင်ပြင်ကြောင့် interview မေးမယ့်သူ စိတ်အနှောင့်အယှက်ဖြစ်သွားနိုင်ပါမယ်။အဲ့တာကြောင့် အိပ်ရေးဝဝ အိပ်ဖို့လိုအပ်ပါတယ်။

လေ့လာပါ။

တချို့က ကိုယ့်အိမ်မှာပဲ ဖြေရတဲ့အတွက် အေးဆေးပဲဆိုပြီး ရုံးသွားဖြေရတဲ့ interview တွေလောက် လေ့လာပြင်ဆင်ခြင်းတွေကို မလုပ်ကြပါဘူး။ Company နဲ့ ပတ်သတ်တာတွေကို လေ့လာထားသင့်သလို remote အလုပ်ဖြစ်တဲ့အတွက် သင့်ရဲ့ ကျွမ်းကျင်မှုတွေအတွက် ပိုပြီး လေ့လာထားသင့်ပါတယ်။

တကယ် interview ဖြေတဲ့အခါ ဝတ်သလို ဝတ်ပါ။

သင့်ကို မေးမယ့်သူက video call နဲ့ ဖြေခိုင်းမှာလား သို့မဟုတ် voice call နဲ့ပဲ ဖြေခိုင်းမှာလားဆိုတာကို ပြောမထားရင် ပထမဦးဆုံး interviewer ကို interview ပုံစံကိုမေးပါ။ပြီးရင် တကယ် ဖြေသလို ဝတ်စားထားပါ။သင် interview ဖြေရင်းနဲ့ ရုတ်တရက် ကင်မရာဖွင့်ခိုင်းတဲ့အခါမှာ သေချာလေးဝတ်စားထားရင် သင့်အပေါ်မှာ ရှိတဲ့ impression တက်နိုင်လို့ဖြစ်ပါတယ်။

သင့်အသုံးပြုမယ့် ကိရိယာတွေကို စစ်ဆေးပါ။

Remote interview တွေ လုပ်တော့မယ်ဆိုရင် နည်းပညာလိုအပ်ပါတယ်။ သင့် interview လုပ်မယ့်အခါ အသုံးပြုရမယ့် software တွေ သင့်စက်ထဲမှာ ရှိပြီးလားဆိုတာကို စစ်ဆေးပါ။လက်တွေ့မသုံးခင်မှာ သူငယ်ချင်းတစ်ယောက်ယောက်နဲ့ စမ်းခေါ်ကြည့်တာမျိုး လုပ်ကြည့်ပါ။တချို့ software တွေက testing လုပ်လို့ရတဲ့ feature ပါတဲ့အတွက် အဲ့ feature နဲ့ စမ်းလုပ်ကြည့်လို့ရပါတယ်။Software နဲ့ အသုံးပြုမယ့် Hardware တွေ ဖြစ်တဲ့ Laptop,speaker နားကြပ်တို့ကိုပါ စစ်ဆေးပါ။တကယ်လို့ back up ထားလို့ရမယ်ဆို back up ထားထားပါ။ Wifi အသုံးပြုမယ်ဆို Wifi လိုင်းကောင်းမကောင်းစစ်ဆေးထားပါ။ အရေးကြီးဆုံးက တော့ နေရာဖြစ်ပါတယ်။သင် interview ဖြေမယ့်နေရာက အသံမဆူတဲ့နေရာ အာရုံစူးစိုက်လို့ ရတဲ့နေရာဖြစ်ရင်ပိုကောင်းပါတယ်။ 

မေးခွန်းတွေ ပြင်ဆင်ထားပါ။

 Interview မှာ မေးခွန်းလေးတွေ ပြင်ဆင်ထားတဲ့အတွက် သင်က Company မှာ အလုပ်လုပ်ဖို့ စိတ်ဝင်စားတဲ့သူ၊ Interview မှာတက်ကြွစွာ ပါဝင်တဲ့အဖြစ် သတ်မှတ်လို့ရပါတယ်။ တကယ်လို့ interviewer က မေးစရာမေးခွန်းရှိလားလို့ မပြောရင်တောင် သင့်ဖက်က မေးခွန်းလေးတွေ မေးလို့ရမလဲလို့ ခွင့်တောင်းပြီး မေးပါ။ သင့်က Company ကို စိတ်ဝင်စားတဲ့အတွက် hiring process မှာ လည်းသင့်က ထင်ပေါ်နေမှာ ဖြစ်ပါတယ်။


New Day Jobs က မြန်မာတစ်နိုင်ငံလုံးမှ အလုပ်အကိုင်တွေကို တစ်နေရာတည်းမှာ ရှာဖွေနိုင်တဲ့ website ဖြစ်ပါတယ်။ အလုပ်အကိုင်များကို New Day Jobs မှာ ရှာဖွေနိုင်သလို remote jobs တွေကိုလည်း Asia Remote Jobs မှာ ရှာဖွေနိုင်ပါတယ်။

Back

You will receive the email for your email confirmation. Please check!