Steps To Follow For Your Promotion

Career Advice 31 Mar 2020
Steps To Follow For Your Promotion | Blog from New Day Jobs

သင်က အလုပ်လည်း ကြိုးစားတယ်။အလုပ်မှာ လုပ်နေတာလည်း နှစ်ချီနေပြီဆိုပေမယ့် ရာထူးမတိုးသေးဘူး။သူဌေးကလည်း ရာထူးတိုးပေးမယ့် အရိပ်အယောင်တောင် မပြဘူးဆိုရင်တော့ သင့်ရဲ့ လုပ်ငန်းခွင်ဆိုင်ရာ အပြုအမှုနဲ့ ပတ်သတ်ပြီး ပြင်ဆင်စရာတွေ ရှိလာပါပြီ။အခုဖော်ပြပေးမယ့်အချက်တွေကတော့ သင်ရာထူးမတိုးရတဲ့ အကြောင်းအရင်း ငါးချက်နဲ့ ရာထူးတိုးဖို့ ဘယ်လိုပြင်ဆင်ရမလဲဆိုတာပဲဖြစ်ပါတယ်။

၁။ ရာထူးတိုးဖို့ အဆင်သင့်မဖြစ်သေးခြင်း

တချို့သော အလုပ်တွေက ရာထူးတိုးဖို့ လုပ်ငန်းနဲ့ သက်ဆိုင်တဲ့ လက်မှတ်တွေ၊တတ်ကျွမ်းမှုတွေ မရှိတဲ့အခါမှာ လုပ်ငန်းရှင်တွေအတွက် ရာထူးတိုးပေးဖို့ ခက်ခဲတတ်ပါတယ်။ဘယ်လောက်ပဲ တတ်ကျွမ်းနေပေမယ့် လက်မှတ် သို့မဟုတ် ဘွဲ့ ရှိခြင်းက သင့်အသက်မွေးကြောင်းအတွက် အထောက်အကူ ဖြစ်စေတဲ့အတွက် အားလပ်ချိန်မှာ သင်တန်းတွေ တက်ထားပါ။သင်တန်းတက်ဖို့ အချိန်မရှိရင်တောင်မှ online ကနေ လေ့လာမှုတွေ ပြုလုပ်ထားသင့်ပါတယ်။သင့်အလုပ်နယ်ပယ်က တက်ကျွမ်းတဲ့ သူတွေနဲ့ တွေ့ပြီးတော့လည်း အကြံတွေ နားထောင်သင့်ပါတယ်။

၂။ သင်ဖြစ်ချင်တာနဲ့ company လိုချင်တာက ကွဲပြားနေခြင်း

ဝန်ထမ်းတွေ ရာထူးမတိုးခြင်းရဲ့ အကြောင်းတစ်ခုကတော့ company ရဲ့ လုပ်ကိုင်နေတဲ့ လမ်းစဉ်တွေနဲ့ ဝန်ထမ်းရဲ့ စိတ်ဝင်စားမှု ထပ်တူမကျတာပါ။ဥပမာပြောရမယ်ဆိုရင် သင်က သင့်သူဌေးကို ဘာလုပ်ချင်တာလဲလို့ပြောတဲ့အခါမှာ သင်လုပ်ချင်တဲ့ Creative အလုပ်တွေကို မလုပ်ခိုင်းပဲ သမရိုးကျ လုပ်ငန်းစဉ်တွေကို လုပ်ခိုင်းရင် သင် ဘာလို့ ရာထူးမတိုးလဲဆိုတာကို ခန့်မှန်းနိုင်ပါတယ်။အဲ့လို အခြေအနေမျိုးဆိုရင် ရာထူးတိုးဖို့ စောင့်နေတာထက် အလုပ်အသစ်ရှာတာမျိုးကို လုပ်သင့်ပါတယ်။

၃။ ရာထူးနဲ့ အညီ မဝတ်ဆင်ခြင်း

သင်က Client နဲ့တွေ့ဖို့ T-shirt နည်းသွားရင် သင့် company ရဲ့ culture နဲ့ သွေဖီနေတဲ့အတွက် ရာထူးတိုးမှာ မဟုတ်ပါဘူး။သင်က နည်းပညာ company မှာ လုပ်နေတဲ့သူဆိုရင်တော့ ဝတ်စားဆင်ယင်မှုက အရေးမကြီးပေမယ့် တချို့ company တွေက ဝတ်စားဆင်ယင်မှုကို အရေးပေးကြပါတယ်။သင်လိုချင်တဲ့ ရာထူးနဲ့ ကိုက်ညီတဲ့ အဝတ်အစားကို ဝတ်ဆင်ပါ။Fake it till you make it ဆိုတဲ့ အတိုင်းပေါ့။

၄။ အထက်လူကြီးနဲ့ ကောင်းမွန်တဲ့ ဆက်ဆံရေး မတည်ဆောက်ခြင်း

ကိုယ့်က ရာထူးတိုးဖို့ အစွမ်းကုန် ကြိုးစားလုပ်ကိုင်နေပေမယ့်လည်း သင့်သူဌေးနဲ့သော်လည်းကောင်း အထက်လူကြီးနဲ့သော်လည်းကောင်း ကောင်းမွန်တဲ့ ဆက်ဆံရေးမရှိဘူးဆိုရင် သင့်ကို ပေါင်းသင်းဆက်ဆံရေးမကောင်းတဲ့ သူအဖြစ် သတ်မှတ်နိုင်ပါတယ်။ရာထူးကြီးလေလေ အထက်အရာရှိတွေနဲ့ ပိုပြီး ထိတွေ့ရမှာဖြစ်တဲ့အတွက် သူတို့ဖက်ကလည်း သင်ဟာ သူတို့နဲ့ ပေါင်းသင်းဆက်ဆံရေး အဆင်ပြေလားဆိုတာကို ကြည့်လာနိုင်ပါတယ်။အဲ့တာကြောင့် အနည်းဆုံး တစ်ပတ်မှာ တစ်ခေါက်တွေ အထက်လူကြီးနဲ့ one by one ဆွေးနွေးမှုတွေကို ပြုလုပ်ပေးပါ။

၅။ တာဝန်ယူနိုင်မှု မရှိခြင်း

ဘယ်အလုပ်ရှင်ကမှ သူတို့ လုပ်ငန်းအတွက် တာဝန်မယူနိုင်တဲ့သူကို ခန့်မှာ မဟုတ်သလို ရာထူးတိုးပေးမှာ မဟုတ်ဘူးဆိုတာကို သိထားပါ။သင့်ရဲ့ လက်ရှိလုပ်ငန်းတာဝန်တွေကို ကျေပွန်အောင်လုပ်နိုင်တဲ့အပြင် ရာထူးအသစ်အတွက် တိုးလာတဲ့ တာဝန်တွေလည်း သင် နိုင်နင်းနိုင်မှသာ သင်ကို တဆင့်တက်စေမှာ ဖြစ်ပါတယ်။အဲ့တာကြောင့် ရာထူးတိုးဖို့ မစဉ်းစားခင်မှာ သင့်ဖက်က သင်လုပ်နိုင်တာတွေကို လုပ်ဖို့ လိုအပ်ပါတယ်။

ဖော်ပြခဲ့တဲ့ အကြောင်းအရာတွေကို ဖတ်ရှုပြီး ရာထူးတွေ တိုးနိုင်ဖို့ မျှော်လင့်ပါတယ်။

New Day Jobs ဆိုတာ မြန်မာတစ်နိုင်ငံလုံးက အလုပ်အကိုင်တွေကို တစ်နေရာတည်းမှ စုစည်းပေးထားတဲ့ website ဖြစ်တဲ့အတွက် အလုပ်များကို New Day Jobs မှာ လျှောက်ထားနိုင်ပါတယ်။


Back

You will receive the email for your email confirmation. Please check!