Things To Consider Before Changing Your Career

အလုပ်အကိုင် အပြောင်းအလဲမလုပ်ခင် ဘာတွေကို စဉ်းစားဖို့လိုအပ်လဲ?

New Day Jobs က career(လုပ်ငန်းပိုင်း) အပြောင်းအလဲလုပ်ချင်နေတဲ့ သူငယ်ချင်းတွေ အပြောင်းအလဲလုပ်တဲ့အခါ အဆင်ပြေတဲ့ ပြောင်းလဲမှုမျိုးဖြစ်အောင် ပြုလုပ်ပေးနိုင်တဲ့ နည်းလမ်းလေးတွေကို ပြောပြပေးမယ်နော်။

(၁) ကိုယ်တကယ်လိုချင်တာကဘာလဲ?

ကိုယ်က career(လုပ်ငန်းပိုင်း) အပြောင်းအလဲလုပ်ဖို့ စဉ်းစားလိုက်ပြီဆိုရင် ကိုယ်က ဘယ်အရာတွေကို တန်ဖိုးထားတာလဲ၊ ကိုယ်က ဘယ်လိုအလုပ်မျိုး လုပ်ကိုင်ရတာကို သဘောကျတာလဲ၊ ပြီးတော့ ကိုယ် ဝင်ငွေ မရနိုင်ဘူးဆိုရင်တောင် ဘယ်လိုအရာမျိုးကို လုပ်ရတာ သဘောကျတာလဲ အစရှိတာတွေကို အရင်စဉ်းစားကြည့်လိုက်ပါ။ကိုယ်က ကိုယ် တကယ်လိုချင်နေတာကိုသိပြီဆိုရင် ဆက်လုပ်ရမယ့် နည်းလမ်းကို စဉ်းစားနိုင်တယ်လေ။ မဟုတ်ရင် ဆုံးဖြတ်ချက်အမှားတွေပဲ ထပ်ခါတလဲလဲ ချနေမိနိုင်တယ်။ ကိုယ်တကယ်လိုချင်တာနဲ့ ကိုယ်ရွေးချယ်လိုက်တာက မကိုက်ညီဘူးဆိုရင် လုပ်ကိုင်ရတာလည်း အဆင်မပြေဖြစ်လာနိုင်ပြီး မကျေနပ်မှုတွေပါ ဖြစ်လာနိုင်ပါတယ်။

(၂) ကိုယ်ပြောင်းလဲမယ့် career မှာ အသုံးပြုလို့ရမယ့် skills ရှိလား?

ကိုယ်က အောင်မြင်တဲ့ career ပြောင်းလဲမှုလုပ်မယ်ဆိုရင် ကိုယ့်ရဲ့ ကျွမ်းကျင်မှုကို သေချာစိစစ်စဉ်းစားသင့်ပါတယ်။ ကိုယ်က ကိုယ်ပြောင်းမယ့် career ကို လုပ်ခဲ့ဖူးတဲ့အတွေ့အကြုံမရှိပေမယ့် ကိုယ့်မှာရှိတဲ့ အရည်အချင်းတွေကို အသုံးပြုလို့ရနိုင်တာမျိုးရှိတတ်ပါတယ်။ ဒါပေမယ့် ကိုယ့်ဆီမှာရှိတဲ့ အရည်အချင်းတွေကို ဘယ်လိုမျိုး အသုံးချလို့ရမယ်ဆိုတာကို ကြိုတင်စဉ်းစားထားသင့်ပါတယ်။ပြီးတော့ career ပြောင်းလဲတယ်ဆိုတာ ကိုယ့်ဘဝနဲ့သက်ဆိုင်တဲ့အရာဖြစ်တဲ့အတွက် လွယ်လွယ်နဲ့ ဆုံးဖြတ်ချက်ချလို့ရတာမျိုးမဟုတ်ပါဘူး။ ကိုယ်က ဒီ career ကို ရွေးချယ်မယ်ဆိုတာကို တခြားသူတွေကို မပြောခင်မှာ ကိုယ်နဲ့ ကိုက်ညီမှုရှိ မရှိ အရင်စဉ်းစားပြီး မရှိရင် အဲ့ဒီ career နဲ့ ပတ်သတ်တဲ့ အကြောင်းအရာတွေရယ်ကို ကြိုတင်လေ့လာထားသင့်ပါတယ်။

(၃) သင်တန်းတွေတက်ပြီး အရည်အချင်းတွေမြှင့်တင်မယ်

ကိုယ်ရွေးချယ်လိုက်တဲ့ လမ်းကြောင်းအသစ်နဲ့ ကိုက်ညီမှုရှိတဲ့ သင်တန်းတွေကို လိုက်စုံစမ်းပါ။ ရုံးချိန်ပြင်ပ သင်တန်းတွေနဲ့ online ကနေ လေ့လာတဲ့ သင်တန်းတွေကို ရွေးချယ်တာပိုကောင်းပါတယ်။ပြီးတော့ ပိတ်ရက်တွေမှာ လုပ်လေ့ရှိတဲ့ ကိုယ်ရွေးချယ်တဲ့ career နဲ့ ပတ်သတ်တဲ့ ဟောပြောပွဲတွေကို တက်ပါ။ အဲ့ဒီ နည်းလမ်းတွေအပြင် ကိုယ့်ရဲ့ တခြားအရည်အချင်းတွေကိုလည်း တိုးတက်အောင်လုပ်နိုင်မယ့် နည်းလမ်းတွေကို ရှာဖွေလေ့လာသင့်ပါတယ်။

ကိုယ်က career ပြောင်းတော့မယ်ဆိုရင် ဘယ်လိုအလုပ်နယ်ပယ်မျိုးနဲ့ လုပ်ကိုင်ချင်တာလဲလို့ စဉ်းစားသလိုမျိုးပဲ ကိုယ်လုပ်ချင်တဲ့ လုပ်ငန်းအမျိုးအစားက ဘာလဲဆိုတာကိုပါ သေချာစဉ်းစားဖို့လိုအပ်ပါတယ်။ လုပ်ငန်းနယ်ပယ်က အမျိုးမျိုးရှိပါတယ်။ သင်က ဘဏ်လုပ်ငန်းမျိုးမှာလုပ်ချင်တာလား၊ ပညာရေးပိုင်းမှာ လုပ်ချင်တာလား၊ software ကုမ္ပဏီတွေမှာလုပ်ချင်တာလား၊ ကျန်းမာရေးပိုင်းမှာလုပ်ချင်တာလား အစရှိသဖြင့် လုပ်ငန်းပေါင်းများစွာတွေထဲကမှ ကိုယ်စိတ်ဝင်စားတဲ့လုပ်ငန်းပိုင်းကို အရင်ဆုံးရွေးချယ်လိုက်ပါ။✌️ အဲ့ဒါတွေကို ရွေးချယ်စဉ်းစားတဲ့အခါမှာလည်း ကိုယ်ရဲ့ အရည်အချင်းတွေ အသိပညာတွေနဲ့ အတွေ့အကြုံတွေက ဘယ်လုပ်ငန်းပိုင်းမျိုးမှာ အထောက်အကူဖြစ်နိုင်လဲဆိုတာကိုပါ ထည့်စဉ်းစားသင့်ပါတယ်။

(၅) ဘယ်သူတွေက ကူညီပေးနိုင်လဲ?

ကိုယ်လုပ်ကိုင်ချင်တဲ့ လုပ်ငန်းပိုင်းကို စဉ်းစားပြီးသွားတဲ့အခါမှာ ကိုယ့်ကို အကူအညီပေးနိုင်တဲ့သူတွေကို စဉ်းစားလိုက်ပါ။ကိုယ့်ရဲ့ မိသားစုဝင်တွေ သူငယ်ချင်းတွေဆီကနေ ကိုယ်လုပ်ကိုင်ချင်တဲ့ ကုမ္ပဏီမှာ သိတဲ့သူတွေရှိ မရှိကို မေးကြည်တာတို့၊ ပွဲတွေ တက်တာတို့၊ အဲ့ဒီလုပ်ငန်းပိုင်းနဲ့ ပတ်သတ်တဲ့ ဟောပြောပွဲတွေတက်တာတို့လုပ်သင့်ပါတယ်။ အဲ့ဒီလိုမျိုးကနေ ကိုယ်လုပ်ချင်တဲ့ ကုမ္ပဏီမှာ အလုပ်ခေါ်နေလားဆိုတာကိုလည်း သိလာနိုင်တယ်လေ။ ပြီးတော့လည်း သူတို့တွေနဲ့ လုပ်ငန်းပိုင်းဆိုင်ရာလေးတွေကို ပြောဆိုရင်းနဲ့ ပိုမိုသိနားလည်နိုင်တယ်လေ။

(၆) ကိုယ်က အစကနေပြန်စလုပ်ချင်စိတ်ရှိရဲ့လား?

ကိုယ်က ကုမ္ပဏီတွေနဲ့ပတ်သတ်ပြီး လေ့လာပြီးသွားပြီ အဲ့ဒီအပိုင်းမှာလုပ်ကိုင်တဲ့သူတွေနဲ့လည်း ပြောဆိုပြီးသွားပြီဆိုရင်တော့ ကိုယ်က career တစ်ခုကို အစကနေပြန်စဖို့ လုပ်ချင်စိတ်ရှိလားဆိုတာကို စဉ်းစားလိုက်ပါ။သင်က အခုလက်ရှိလုပ်ကိုင်နေတဲ့ career နဲ့ ပတ်သတ်ပြီး လုပ်သက် ၁၀ နှစ်လောက် ရှိနေပေမယ့် နောက်အလုပ်မှာ အသုံးချလို့ရတဲ့ skills တွေသိပ်မရှိဘူးဆိုရင်တော့ ရာထူးအနိမ့်ပိုင်းကနေ ပြန်စရမှာဖြစ်ပါတယ်။ ချက်ချင်းကြီး manager အဆင့်ကို မရနိုင်တာမျိုးလည်း ဖြစ်နိုင်ပါတယ်။ ဒီလိုအစကနေ ပြန်စရမယ်ဆိုရင်တောင် သင်က ပျော်မယ်လို့ထင်ရင်ဆက်လုပ်လိုက်ပါ။ ပြီးတော့ ဘယ်အလုပ်ကမှ အမြဲတမ်းပျော်ရွှင်နေမယ်လို့ပြောလို့မရပါဘူး။ အရေးကြီးတာကတော့ ကိုယ်က တကယ်လုပ်ချင်စိတ်ရှိပြီး စွန့်စားလုပ်ကိုင်ရမယ့် ရလဒ်ကို ခံနိုင်ရည်ရှိ မရှိကို သေချာစဉ်းစားဖို့လိုအပ်ပါတယ်။

(၇) အခုအချိန်က career ပြောင်းလဲသင့်တဲ့အချိန်လား?

ကိုယ်အခုလုပ်ကိုင်နေရတဲ့ ရာထူးက တည်ငြိမ်မှုရှိလား? အလုပ်မှာ ကိုယ်အမြန်ထွက်ရနိုင်တဲ့ ကိစ္စမျိုးရှိလား? ကိုယ့်ရဲ့ အရည်အချင်းတွေ မြှင့်တင်ဖို့၊ ဘွဲ့လက်မှတ်တွေထပ်ယူဖို့ အချိန်လိုသေးလား?ကိုယ်က career ပြောင်းဖို့ ဆုံးဖြတ်ချက်မချခင်မှာ ဒီမေးခွန်းလေးတွေကို ကိုယ့်ကိုယ်ကိုယ် ပြန်မေးကြည့်ပြီး ပြီးစဉ်းစားလိုက်ပါ။ အလုပ်ပြောင်းပြီဆိုတာနဲ့ ချက်ချင်း အလုပ်ရတာမျိုး ဖြစ်ဖို့ဆိုတာ အရမ်းမလွယ်ကူပါဘူး။ ကိုယ့်ဘက်ကနေ အချိန်ပေးရပါတယ်။ လုပ်ငန်းပိုင်းမတူတဲ့ career ကို ပြောင်းမယ်ဆိုရင် ပုံမှန်ထက်လည်းပိုကြာတတ်ပါတယ်။ ဘာလို့လည်းဆိုတော့ ကိုယ်က ကိုယ်ပြောင်းမယ့်အပိုင်းနဲ့ ပတ်သတ်တာတွေကို ပြီးတော့ ကိုယ့်ရဲ့ ဘယ် skills တွေကို အသုံးပြုလို့ရပြီး ဘယ်လို skills တွေ ထပ်လေ့လာဖို့လိုတယ်ဆိုတာတွေကိုလည်း သေချာစဉ်းစားဖို့ လိုအပ်တယ်လေ။ ပြီးတော့ ကိုယ်က နောက် career အသစ်တစ်ခုကို ပြောင်းရင် လစာအများကြီး တန်းမရနိုင်ပါဘူး။ အဲ့ဒီတော့ လစာနည်းတဲ့အချိန်ကာလကကော ကိုယ့်အတွက် အဆင်ပြေနိုင်မလားဆိုတာကိုလည်း သေချာစဉ်းစားသင့်ပါတယ်။

(၈) မိသားစုတွေကကော ကူညီပေးကြမှာလား?

ဆုံးဖြတ်ချက်ချတဲ့အခါမှာ ကိုယ်က အဓိကဆုံးဖြတ်ချက်ချရတာဖြစ်ပေမယ့် မိသားစုဝင်တွေ သူငယ်ချင်းတွေဆီကနေ အကြံဉာဏ်တွေတောင်းတာလည်း ကောင်းပါတယ်။ ဒီလိုမျိုး career ပိုင်းကို ပြောင်းလဲရတဲ့ ကြီးမားတဲ့ ဆုံးဖြတ်ချက်ချတာမျိုးတွေမှာ မိသားစုဝင်တွေ သူငယ်ချင်းတွေရဲ့ အကြံဉာဏ်တွေ အကူအညီတွေရရင် ကိုယ့်အတွက် ပိုပြီး အထောက်အကူဖြစ်နိုင်တယ်လေ။

(၉) ဘယ်လို အတားအဆီးတွေ ကြုံတွေ့နိုင်လဲ?

ကိုယ်က career ပြောင်းတာဖြစ်တဲ့အတွက် ကြုံတွေ့နိုင်တဲ့ အခက်အခဲ အတားအဆီးတွေကို ကြိုတင်စဉ်းစားထားသင့်ပါတယ်။အင်တာဗျူးသွားတဲ့အခါမှာလည်း အင်တာဗျူးမေးတဲ့သူက ကိုယ့်မှာ အတွေ့အကြုံသိပ်မရှိတဲ့အတွက် ငြင်းပယ်တာမျိုးမဖြစ်အောင် ကိုယ့်ရဲ့ လုပ်ဆောင်နိုင်စွမ်းတွေကို ဘယ်လိုမျိုးပြောမလဲဆိုတာတွေ ကိုယ့်ရဲ့ အရင်အလုပ် အတွေ့အကြုံတွေကနေကော ဒီအလုပ်မှာ ဘယ်လိုမျိုး အသုံးချနိုင်မှာတွေနဲ့ ကိုယ်က ဘယ်လိုမျိုး လေ့လာသင်ယူချင်တာတွေကို ပြောပြနိုင်ဖို့အတွက် ကြိုတင်ပြင်ဆင်နိုင်ပါတယ်။ အဲ့ဒီလိုမျိုးတွေ ပြောနိုင်ရင် ကိုယ်အလုပ်လျှောက်တာမှာ အောင်မြင်နိုင်ခြေက ကိုယ်ထင်ထားတာထက် ပိုကောင်းလာနိုင်ပါတယ်။

New Day Jobs ဟာ မြန်မာတစ်နိုင်ငံလုံးမှ အလုပ်အကိုင်များကို တစ်နေရာတည်းမှာ ရှာဖွေ လျှောက်ထားနိုင်တဲ့ website ဖြစ်ပါတယ်။အလုပ်အကိုင်များကို ရှာဖွေလိုပါက New Day Jobs မှာ ရှာနိုင်ပါတယ်။