Things To Do For Online Communication

Online တွင် စာပို့ပြောဆိုရာတွင် ပြုမူသင့်သောအရာများ 

အခုနောက်ပိုင်းမှာ Online ကို အသုံးပြုတာ အရမ်းကို များပြားလာပါတယ်။ ပြီးတော့ Freelance(အလွတ်တန်း) လုပ်ကိုင်တဲ့သူတွေလည်းများပြားလာပြီး သူတို့တွေက online ကနေ ဆက်သွယ်ပြီး အိမ်ကနေပြီး အလုပ်တွေကို လုပ်ကိုင်ပေးကြပါတယ်။ဒါပေမယ့် အဲ့ဒီလိုမျိုး online ကနေ တဆင့်ဆက်သွယ်ပြောဆိုရတာက လူချင်းတွေ့ပြီး ပြောဆိုရတာနဲ့ အရမ်းကို ကွာခြားပါတယ်။အဲ့ဒီအတွက်ကြောင့် online ကနေ စာပို့ပြောဆိုတဲ့အခါမှာ နားလည်မှုလွဲတာမျိုးမဖြစ်အောင် ပြောဆိုသင့်ပါတယ်။မနေ့သစ်က သူငယ်ချင်းတို့ကို Online ကနေ စာပို့ပြောဆိုတဲ့အခါမှာ ဘယ်လိုမျိုး ပြုမူပြောဆိုသင့်လဲဆိုတာကို ပြောပြပေးမယ်နော်။

(၁) လေးစားမှုရှိပါ

လူတိုင်းမှာ ခံစားချက်အမျိုးမျိုးနဲ့ အထင်အမြင်အမျိုးမျိုးရှိတတ်ပါတယ်။ ပြီးတော့ကိုယ်က online ကို အသုံးပြုတဲ့အခါမှာ အဲ့ဒါကိုလည်း သိထားဖို့လိုအပ်ပါတယ်။ ကိုယ်က တခြားသူကို မမြင်ရပဲနဲ့ စာပို့ပြောဆိုလို့ရပါတယ်။ ဒါပေမယ့်သိထားရမှာတစ်ခုက အဲ့ဒီ account ကို အသုံးပြုနေတဲ့သူက ခံစားချက်ရှိတဲ့ တကယ့်လူဆိုတာကိုပဲ။ ကိုယ်က အဲ့ဒီလူကို မျက်နှာချင်းဆိုင် မပြောချင်ဘူးဆိုရင် စာပို့ပြောဆိုတာမျိုးလည်း မလုပ်သင့်ပါဘူး။ ကိုယ့်ကို ဒီလိုစကားမျိုးပြောဆိုတာ မကြိုက်ဘူးဆိုရင် တခြားသူတွေလည်း ကြိုက်မှာမဟုတ်ဘူးဆိုတာကို သိထားသင့်ပါတယ်။

(၂) ကိုယ်ပို့တဲ့စာကို ဘယ်လိုတွေးမိနိုင်လဲဆိုတာကို သိထားပါ

ပြင်းထန်တဲ့ စကားအသုံးအနှုန်းတွေ အင်္ဂလိပ်စာ စာလုံးအကြီးတွေနဲ့ ရေးတာတွေနဲ့ exclamation marks တွေက စာမှာ အဓိပ္ပာယ်ကောက်လွဲတတ်ပါတယ်။ အချင်းချင်းတွေ့ပြီးစကားပြောဆိုတဲ့အခါမှာ ပိုပြီးနားလည်အောင် လက်ဟန်အမူအယာတွေ မျက်နှာအမူအယာတွေနဲ့ အသံတွေက ကူညီပေးပါတယ်။ အကယ်၍ သိပ်နားမလည်ဘူးထင်ရရင်လည်း ကိုယ်က ပြန်ပြောလို့ရတယ်လေ။ ဒါပေမယ့် online ကနေ စာပို့ပြောဆိုရင်တော့ အဲ့ဒါတွေကို မသိနိုင်ဘူးလေ။ ကိုယ်ပို့လိုက်တဲ့ စာကြောင်းလေးပေါ်မှာတင် အဓိပ္ပာယ်ကောက်လွဲသွားတာမျိုးရှိနိုင်တဲ့အတွက် ကိုယ်ပြောမယ့် အကြောင်းအရာကို ရေးတဲ့အခါမှာ သတိထားသင့်ပါတယ်။

(၃) နောက်ပြောင်ပြောဆိုတာတွေကို သတိထားပါ

သူငယ်ချင်းတွေနဲ့ စကားပြောဆိုတဲ့အခါမှာ နောက်ပြောင်ပြောဆိုတာကကောင်းပါတယ်။ ဒါပေမယ့် online ကနေ စာပို့ပြောဆိုတဲ့အခါမှာ ကိုယ်က နောက်ပြောင်သလိုရေးလိုက်တာဖြစ်ပေမယ့် စာကို ဖတ်တဲ့သူက နောက်ပြောင်တာလို့မထင်ပဲ အထင်မှားတာမျိုးဖြစ်တတ်ပါတယ်။ တချို့တွေက emoticons တွေကို အသုံးပြုရတာ ကြိုက်နှစ်သက်ကြပါတယ်။ အကယ်၍ ကိုယ်က နောက်ပြောင်တဲ့စာပို့တဲ့အခါမှာ ‘lol’ တို့ ရယ်နေတဲ့ပုံတို့ နောက်ပြောင်တဲ့ပုံတို့လိုမျိုးလေးတွေ ထည့်ပို့လိုက်ရင် စာဖတ်တဲ့သူကလည်း ကိုယ်က အတည်ပြောတာမဟုတ်ဘူး နောက်ပြောင်နေတယ်ဆိုတာကို နားလည်သွားနိုင်ပါတယ်။ ကိုယ်က စာမပို့ခင်မှာလည်း နောက်ပြောင်တယ်လို့ပဲထင်မလား တကယ်ထင်သွားနိုင်လားဆိုတာကို သေချာစေဖို့အတွက် စာကို သေချာပြန်ဖတ်သင့်ပါတယ်။

(၄) emoticons တွေအသုံးပြုတာကို ဂရုစိုက်ပါ

Online ကတွေ စာပို့ပြောဆိုတဲ့အခါမှာ အများစုက emoticons တွေ အရမ်းအသုံးပြုကြပါတယ်။✌️ emoticons သုံးတာကလည်း ကိုယ့်ရဲ့စိတ်ကို ဖော်ပြလို့ရတဲ့အတွက်ကောင်းပါတယ်။ ဒါပေမယ့် emoticons တွေ အသုံးပြုတဲ့အခါမှာလည်း ဂရုစိုက်သင့်ပါတယ်။ ဘာလို့လဲဆိုတော့ တစ်ခါတစ်လေကျရင် emoticons တွေရဲ့ အဓိပ္ပာယ်ကောက်လွဲသွားတာမျိုးတွေဖြစ်သွားနိုင်ပြီး အဲ့ဒီကနေတဆင့် နားလည်မှုလွဲတာတွေလည်း ဖြစ်သွားနိုင်ပါတယ်။အဲ့ဒီတော့ ကိုယ်က emoticons တွေကို အသုံးပြုတဲ့အခါမှာလည်း ကိုယ်သုံးလိုက်တဲ့ emoticons က ဘယ်လိုဖြစ်သွားနိုင်တယ်ဆိုတာမျိုးကို ကြိုတင်စဉ်းစားပြီး သုံးသင့် မသုံးသင့်ကို ဆုံးဖြတ်သင့်ပါတယ်။

(၅) စိတ်ဆိုးတုန်း စာပို့ခြင်းကို ဂရုစိုက်ပါ

‘ကြမ်းကျွံရင် နှုတ်လို့ရတယ်၊ စကားကျွံရင် နှုတ်လို့မရဘူး’ ဆိုတဲ့ မြန်မာစကားပုံလိုပဲ ကိုယ်က စကားပြောလိုက်ရင် အဲ့ဒါကို ပြန်ပြီးသိမ်းယူလို့မရတော့ပါဘူး။ အဲ့ဒီလိုပဲ online ကနေ စာပို့လိုက်တဲ့အခါမှာလည်း အဲ့ဒီလိုပါပဲ ကိုယ်ပို့လိုက်တဲ့စာကို ပြန်ဖျက်လို့မရပါဘူး။ ကိုယ်က စိတ်ဆိုးစိတ်တိုလို့ စာပို့ပြောလိုက်တာဖြစ်ပေမယ့် အဲ့ဒီစာက ဖတ်တဲ့သူကို ထိခိုက်စေတာတို့ လွန်ကျူးသွားတာတို့ဖြစ်ရင် မကောင်းပါဘူး။ ကိုယ်က စိတ်တိုစိတ်ဆိုးနေတုန်းမလုပ်ပဲ စိတ်အေးအေးထားပြီးမှာ ရန်ပြုလိုတာမဟုတ်ပဲ အေးအေးဆေးဆေးနဲ့ ပြောတာကောင်းပါတယ်။ ကိုယ်စာမပို့ခင်မှာလည်း ကိုယ့်စာကို ဖတ်တဲ့သူက နားလည်မှုလွဲတာမျိုးမဖြစ်အောင် သေသေချာချာနဲ့ ထပ်ခါထပ်ခါ ဖတ်ကြည့်ပြီးမှ ပို့သင့်ပါတယ်။

Online ကနေတဆင့် စာပို့ပြောဆိုတဲ့အခါ လုပ်သင့်သောအရာများ

• ကိုယ်စာပို့တဲ့သူက မှန် မမှန်ကို သေချာစစ်ပါ။ ကိုယ့်ရဲ့ ကိုယ်ရေးကိုယ်တာကိစ္စကို တခြားသူဆီရောက်သွားတာမျိုးမဖြစ်အောင် ကိုယ် စာပို့မယ့်သူက မှန်ရဲ့လားဆိုတာကို သေချာစစ်ဆေးသင့်ပါတယ်။
• ကိုယ်ရေးတဲ့ စာတွေက စာလုံးပေါင်း မှန် မမှန် သဒ္ဒါ မှန် မမှန်တွေကိုလည်း သေချာစစ်ပါ။ ကိုယ်က အရေးကြီးတဲ့သူဆီကို စာပို့တဲ့အခါမှာ စာလုံးပေါင်းတွေ သဒ္ဒါတွေ မှားသွားခဲ့ရင် ကိုယ့်အပေါ် ထင်မြင်ချက် လျော့နည်းသွားနိုင်တယ်လေ။
• အချိန်ပေးပါ။ ကိုယ်ရလာတဲ့စာကို သေသေချာချာဖတ်ပြီး ဘယ်လိုစာမျိုးနဲ့ ပြန်ပို့ရမလဲဆိုတာကို သေချာစဉ်းစားပြီး ရေးသင့်ပါတယ်။
• ကိုယ်ရေးတဲ့ စာအသွားအလာ အနေအထားကို ဂရုစိုက်ပါ။ ကိုယ်က သူငယ်ချင်းဆီကို စာပို့တာလား လုပ်ဖော်ကိုင်ဖက်ဆီကို စာပို့တာလား အထက်လူကြီးဆီကို စာပို့တာလားဆိုတာကို သေချာပြန်စစ်ဖို့လိုပါတယ်။ ကိုယ်က သူငယ်ချင်းကို ပြောသလိုပုံစံနဲ့ အထက်လူကြီးဆီကို ပို့မိလို့မဖြစ်ဘူးလေ။

Online ကနေတဆင့် စာပို့ပြောဆိုတဲ့အခါ မလုပ်သင့်သောအရာများ

• ကိုယ်က စိတ်ဆိုးစိတ်တိုနေတဲ့အချိန် စာမပို့ပါနဲ့။ အဲ့ဒါက တစ်ချိန်ချိန်ကျရင် ကိုယ့်ကိုပြန်ပြီး နောင်တရသွားနိုင်ပါတယ်။
• စာရိုက်နေတုန်း တခြားအလုပ်တွေပါ တပြိုင်နက်မလုပ်ပါနဲ့။ ကိုယ်ရေးတဲ့စာမှာ အကြောင်းအရာတွေ မှားထည့်မိသွားနိုင်ပါတယ်။
• စာလုံးတွေကို အကုန် အကြီး (capital letters) တွေနဲ့ပဲ မရေးပါနဲ့။ စာဖတ်တဲ့သူက ကိုယ်က သူတို့ကို စိတ်ဆိုးနေတယ်လို့ အထင်မှားသွားနိုင်ပါတယ်။
• ကားမောင်းနေတုန်း စာရိုက်ပို့တာမျိုးမလုပ်ပါနဲ့။ ကိုယ့်အတွက်ကော တခြားသူတွေအတွက်ပါ အန္တရာယ်တွေဖြစ်လာနိုင်ပါတယ်။ အကယ်၍ အရမ်း အရေးကြီးတယ်ဆိုရင် ကားကို ဘေးချရပ်လိုက်ပါ။
• ကိုယ်က သူဌေးတို့ အထက်လူကြီးတို့ စီးပွားဖက်တို့နဲ့ စာပို့ပြောဆိုတဲ့အခါ စာလုံးအတိုချုပ်တာတို့ emoticon တွေကို အသုံးပြုတာမျိုးမလုပ်ပါနဲ့။ လုပ်ငန်းပိုင်းဆိုင်ရာနဲ့ ပတ်သတ်လာရင် professional ဖြစ်နေတာက ပိုကောင်းပါတယ်။
• ကိုယ့်ရဲ့ ကိုယ်ရေးကိုယ်တာကိစ္စတွေကို online ကနေ စာပို့ပြောဆိုတာကနေ မမျှဝေပါနဲ့။ အကယ်၍ မှားယွင်းရောက်ရှိသွားခဲ့ရင် ကိုယ့်အတွက် ဒုက္ခရောက်နိုင်ပါတယ်။

New Day Jobs ဆိုတာ အလုပ်အကိုင်များစွာကို တစ်နေရာတည်းမှာ ရှာဖွေလျှောက်ထားနိုင်တဲ့ အလုပ်အကိုင် website ဖြစ်ပါတယ်။အလုပ်အကိုင်များကို လျှောက်ထားနိုင်လိုပါက New Day Jobs မှတဆင့် လျှောက်ထားနိုင်ပါတယ်။