Career blogs-Learning | New Day Jobs

Blog

Blog Personal Upgrade
How To Evaluate Yourself Effectively | Read more blogs at New Day Jobs

How To Evaluate Yourself Effectively

ကိုယ့်ကိုယ်ကိုယ် နေ့တိုင်း ဘယ်လိုသုံးသပ်မလဲ?ကိုယ့်ကိုယ်ကိုယ် သိတယ်ဆိုတာက ကိုယ့်ရဲ့ အဓိကအကြောင်းဖြစ်တဲ့ ကိုယ့်ရဲ့ တန်ဖိုးတွေ ယုံကြည်ချက်တွေ အပြုအမူတွေနဲ့ စိတ်သဘောထားတွေကို သိတာဖြစ်ပါတယ်။ ဒီလိုမျိုး ကိုယ့်ကိုယ်ကိုယ် သိနေဖို့ဆိုတာလည်း အရေးကြီးပါတယ်။ ကိုယ့်ကိုယ်ကိုယ်သိအောင်လုပ်တယ်ဆိုတာက ကိုယ့်ရဲ့ ယုံကြည်ချက်တွေ စိတ်နေသဘောထားတွေ အမူအကျင့်တွေ တုံပြန်မှုတွေနဲ့ ပတ်သတ်ပြီး သိအောင်လုပ်တာပါ။ အဲ့ဒီလိုမျိုး ကိုယ့်ကိုယ်ကိုယ် သုံးသတ်နိုင်တဲ့ နည်းလမ်းတွေ အများကြီးရှိပါတယ်။၁။ ကိုယ့်ရဲ့ အတွေးတွေကို သိနားလည်ပါကိုယ့်ရဲ့ အတွေး၊ ထင်မြင်ယူဆချက်တွေက ကိုယ့်ဘဝအတွက် အဓိကကျတဲ့ အစိတ်အပိုင်းတစ်ခုပါပဲ။ အဲ့ဒီအတွေးတွေ ထင်မြင်ယူဆချက်တွေကနေ ခံစားချက်တွေ စိတ်နေသဘောထားတွေနဲ့ အခြေအနေတွေပေါ် နားလည်ပုံတွေကွဲပြားသွားနိုင်ပါတယ်။ အဲ့ဒါကြောင့်မို့လို့ ကိုယ့်ကိုယ်ကိုယ် မေးခွန်းလေးတွေ ပြန်မေးကြည့်လိုက်ပါ။ ကိုယ့်ရဲ့ အတွေးအခေါ်တွေက အဆိုးဘက်ရောက်နေလား? ကိုယ်က မလုပ်နိုင်လောက်ဘူးလို့ပဲ တွေးနေမိလား? အမြဲတမ်း တစ်ခုခုမှားတော့မယ်လို့ပဲ ထင်နေမိလား?၂။ ခံစားချက်ကို သိပါခံစားချက်တွေကနေ ကိုယ်ကဘယ်သူလဲ ဒီလိုအခြေအနေမျိုးမှာ ကိုယ်က ဘာလို့ ဒီလိုမျိုး ပြုမူတာလဲဆိုတာကို သိနိုင်လာပါတယ်။ ကိုယ်က ပြောဆိုနေတဲ့ အကြောင်းအရာပေါ်မှာ ဘယ်လိုပြုမူတယ် ဘယ်လိုအသံအနေအထားနဲ့ ပြောဆိုတယ် ဘယ်လိုမျက်နှာအမူအယာနဲ့ ဘယ်လိုကိုယ်ဟန်အမူအယာရှိနေတယ်ဆိုတာကနေ ကိုယ်ရဲ့ ခံစားချက်ကို သိရှိနိုင်ပါတယ်။ကိုယ်က ဘယ်လိုမျိုး ခံစားနေရပြီး ဘာဖြစ်လို့ ဒီလိုမျိုးခံစားနေရတယ်ဆိုတာကို စဉ်းစားလိုက်ပါ။ ကိုယ့်ရဲ့ ခံစားချက်က ဘယ်လိုရှိနေလဲဆိုတာကို ကိုယ့်ရဲ့ ပြောဆိုပြုမူပုံတွေပေါ်မူတည်ပြီး သုံးသတ်လို့ရပါတယ်။ ကိုယ့်ရဲ့ ခံစားချက်ပေါ်လိုက်ပြီါ် ထင်မြင်ချက်တွေကလည်း ပြောင်းလဲသွားတတ်ပါတယ်။ကိုယ်က တစ်စုံတစ်ခုကို ကြည့်လိုက်တဲ့အခါ တစ်ယောက်ယောက်နဲ့ စကားပြောတဲ့အခါမှာ ထင်မြင်ချက်တွေ အတွေးထဲရောက်လာတတ်ပါတယ်။ တခါတစ်လေကျရင် ကိုယ်မြင်တွေ့လိုက်ရတာပေါ်မူတည်ပြီးဖြစ်လာတဲ့ ထင်မြင်ချက်ကနေ မှားယွင်းတဲ့ သုံးသတ်ချက်တွေလည်းဖြစ်သွားတတ်ပါတယ်။၃။ ဒိုင်ယာရီရေးပါကိုယ့်ရဲ့ တစ်နေ့တာအကြောင်းကို ဒိုင်ယာရီလိုမျိုး စာအုပ်ထဲမှာ ရေးတယ်ဆိုတာက ကိုယ်က ဘယ်လိုလူမျိုးလဲဆိုတာရယ် ကိုယ့်ဘဝရဲ့ ပြောင်းလဲမှုတွေ၊ ပျော်ရွှင်မှုတွေ၊ ပင်ပန်းမှုတွေနဲ့ အခွင့်အရေးတွေကို ကိုယ်က သေချာသိနားလည်သွားနိုင်တယ်လေ။ ကိုယ့်ရဲ့ ဘဝအကြောင်းကို ရေးတာကနေ ကိုယ်သတိမထားမိလိုက်တဲ့ ကိစ္စတွေ အတွေ့အကြုံတွေကို သိလာနိုင်ပြီး အဲ့ဒီအကြောင်းအရာတွေက ကိုယ့်ဘဝပေါ်ကို ဘယ်လိုမျိုး သက်ရောက်စေတယ်ဆိုတာကိုလည်း သိလာနိုင်ပါတယ်။၄။ ကိုယ့်ရဲ့ တစ်နေ့တာကို ပြန်လည် သုံးသပ်ပါကိုယ့်ရဲ့ တစ်နေ့တာအကြောင်းကို ရေးပြီးသွားပြီဆိုရင် ကိုယ်ရေးထားတာလေးတွေကို ပြန်ဖတ်ကြည့်ကြည့်လိုက်ပါ။ အဲ့ဒီလိုပြန်ဖတ်လိုက်တဲ့အခါမှာ ကိုယ်က ဘယ်လိုအရာတွေမှာ အောင်မြင်အောင်လုပ်နိုင်ခဲ့တယ်၊ ဘယ်လိုအခက်အခဲတွေ ကြုံတွေ့ရတယ်နဲ့ ဘယ်အရာတွေကို ပြီးမြောက်အောင် မလုပ်နိုင်သေးဘူးဆိုတာတွေကို သိရှိလာနိုင်ပါတယ်။ ကိုယ်က ကိုယ့်ရဲ့ တစ်နေ့တာ ပန်းတိုင်ကို ရောက်နိုင်ခဲ့လား ရောက်ဖို့အတွက် ဘယ်လောက်လိုခဲ့လဲဆိုတာကိုလည်း ပြန်လည် သုံးသပ်နိုင်တယ်လေ။၅။ ကိုယ်အဓိကထားတဲ့အချက်ကို သိပါကိုယ်က ဘာကိုတန်ဖိုးထားတယ်ဆိုတာကို သိရင် ကိုယ့်ရဲ့အဓိကပန်းတိုင်ကို သိနိုင်ပါတယ်။ ကိုယ်တန်ဖိုးထားတဲ့အရာအများစုက ကိုယ့်ရဲ့ ကိုယ်တွေ့အတွေ့အကြုံတွေ ပြောင်းလဲမှုတွေကနေ ရရှိခဲ့တာပါ။ တစ်ခါတစ်လေကျရင် ကိုယ်တန်ဖိုးထားတဲ့အရာက ဘာမှန်းမသိဖြစ်တတ်ပါတယ်။ ကိုယ်တန်ဖိုးထားတဲ့အရာဆိုတာက ဘဝမှာ ကိုယ်ရွေးချယ်လိုက်တဲ့အရာတွေနဲ့ ယုံကြည်ချက်တွေပါပဲ။ ကိုယ်တန်ဖိုးထားတဲ့အရာတွေကို သိနားလည်လာတာနဲ့အမျှ ကိုယ်က ဘယ်သူလဲ ကိုယ့်အတွက် ဘယ်အရာတွေက အရေးပါလဲဆိုတာကို သိလာနိုင်ပါတယ်။ အဲ့ဒီတန်ဖိုးထားတဲ့အရာတွေကနေ ကိုယ်လျှောက်လှမ်းချင်တဲ့ ပန်းတိုင်ကို စဉ်းစားပြီး ကိုယ်ဘယ်လောက်အထိရောက်အောင် လုပ်နိုင်တယ်ဆိုတာကို သုံးသပ်လို့ရပါတယ်။၆။ အချိန်ပေးဖို့လိုအပ်တာကို သတိရပါကိုယ်က ဘယ်လိုလူမျိုးဆိုတာကို သုံးသပ်ပြီးနားလည်ဖို့က အရမ်းကို အရေးကြီးပါတယ်။ ကိုယ်ပြုမူတဲ့ပေါ်မူတည်ပြီး အနာဂတ်ဘဝက ပြောင်းလဲသွားနိုင်တယ်လေ။ အဲ့ဒီလိုမျိုး နားလည်ဖို့အတွက် ကိုယ့်ကိုယ်ကိုယ် သုံးသပ်တော့မယ်ဆိုရင် အချိန်ပေးဖို့လိုအပ်တယ်ဆိုတာကို မမေ့ပါနဲ့။ အချိန်ပေးတော့မှ ကိုယ်က သေချာစဉ်းစားပြီး သုံးသပ်နိုင်မှာလေ။ အဲ့ဒီလိုသုံးသပ်နိုင်တော့မှလဲ ကိုယ့်ရဲ့ ပန်းတိုင်ကို အောင်မြင်စွာလျှောက်လှမ်းနိုင်မှာ ဖြစ်ပါတယ်။New Day Jobs ဆိုတာ အလုပ်အကိုင်ပေါင်းများစွာ တစ်နေရာတည်းမှာ ရှာဖွေ တွေ့နိုင်တဲ့ အလုပ်အကိုင် website ဖြစ်ပါတယ်။အလုပ်အကိုင်များ လျှောက်ချင်တယ်ဆိုရင်တော့ New Day Jobs မှတဆင့် ရှာဖွေနိုင်ပါတယ်။

Workplace Success Workplace Skill Personal Upgrade
14 Jul 2020
How To Create Successful Mindset | Read more blogs at New Day Jobs

How To Create Successful Mindset

အောင်မြင်တဲ့ စိတ်နေသဘောထားမျိုးရအောင် ဘယ်လိုလုပ်မလဲ? ကိုယ်က အောင်မြင်တဲ့ စိတ်နေသဘောထားမျိုးရအောင်လုပ်ချင်တယ်ဆိုရင်တော့ လုပ်နိုင်တဲ့နည်းလမ်းတွေရှိပါတယ်။ အဲ့ဒီလို လုပ်နိုင်တဲ့ နည်းလမ်းတချို့ကို မနေ့သစ်က ပြောပြပေးပါမယ်။၁။ ကိုယ့်ကို စိတ်အားထက်သန်စေတဲ့အရာကို ရှာဖွေပါလူတိုင်းမှာ ကိုယ့်ကို စိတ်အားထက်သန်စေတဲ့အရာတွေရှိပါတယ်။ အဲ့ဒီ စိတ်အားထက်သန်မှုတွေက ကိုယ့်ရဲ့ ပန်းတိုင်တွေကို ရောက်အောင်လျှောက်လှမ်းနိုင်ပြီး အရှုံးတွေကိုလည်း လက်မလျှော့ပဲ ရင်ဆိုင်နိုင်သွားပါတယ်️။ အရင်ဦးဆုံး ကိုယ့်ကိုယ်ကိုယ် ပြန်လည် စမ်းစစ်ပြီး ကိုယ့်ရဲ့ စိတ်အားထက်သန်မှုကဘာလဲဆိုတာကို ရှာဖွေလိုက်ပါ။ ပြီးသွားရင် အဲ့ဒီအတိုင်းလုပ်ဆောင်လိုက်ပါ။၂။ အကောင်းဘက်ကနေတွေးပါကိုယ်က တစ်ခုခုလုပ်ကိုင်နေရင်းနဲ့ မလုပ်နိုင်လောက်ဘူးလို့ တွေးမိတာမျိုးရှိတတ်ပါတယ်။ အဲ့ဒီလိုမျိုးဖြစ်လာတဲ့အခါ ကိုယ်က လုပ်နိုင်တယ်ဆိုပြီး အကောင်းဘက်ကနေ လှည့်တွေးလိုက်ပါ။ အဲ့ဒီလိုတွေးဖို့ မဖြစ်နိုင်လောက်ဘူးလို့ထင်မိပါလိမ့်မယ်။ ဒါပေမယ့် အဲ့ဒီလိုလေးတွေးကြည့်လိုက်ပါ။ အဲ့ဒါဆိုရင် ကိုယ်က လုပ်ချင်စိတ်ကလေးတွေဖြစ်လာပြီး ကိုယ့်ကိုယ်ကိုယ်လည်း ယုံကြည်မှုရှိလာပါလိမ့်မယ်။၃။ များများပြုံးပါပြုံးတာက စိတ်ဖိစီးမှုကို လျှော့ချနိုင်ပြီး ကောင်းတဲ့ဘက်ကနေတွေးမြင်နိုင်တယ်ဆိုတာကို သူငယ်ချင်းတို့တွေသိပါသလား? ပြုံးတာက ယုံကြည်မှုလျော့နည်းတာအတွက် ဆေးတစ်ခွက်ပါပဲ။ ကိုယ်က ပြုံးနေရင် အကောင်းဘက်ကနေ တွေးတတ်လာပြီး ကိုယ့်အနီးအနားကလူတွေကလည်း အကောင်းမြင်လာပါလိမ့်မယ်။ အကယ်၍ ကိုယ်က စစချင်းမှာ တမင်လုပ်ပြုံးမှရတယ်ဆိုပေမယ့်လည်း များများပြုံးလိုက်ပါ။ ပြုံးတာက ကြောက်တာတွေ စိတ်ပူပင်မှုတွေ မျှော်လင့်ချက် ပျောက်ဆုံးနေတာတွေကို အနိုင်ယူသွားနိုင်ပါတယ်။၄။ အားကစားလုပ်ပါကိုယ်လက်လေ့ကျင့်ခန်းလုပ်တာက ကျန်းမာရေးအတွက်ကောင်းပါတယ်။ ကိုယ်က အားကစားပုံမှန်လုပ်ဖြစ်တော့ စိတ်လည်းကြည်လင်ပြီး အကောင်းဘက်ကနေ ပိုတွေးခေါ်နိုင်တယ်လေ။ စိတ်ကြည်ပြီး အကောင်းဘက်ကနေ တွေးခေါ်နိုင်တယ်ဆိုရင် ကိုယ်က ဘာလုပ်ရမလဲဆိုတာကို ဆုံးဖြတ်ချက် ခိုင်ခိုင်မာမာချနိုင်သွားမယ်လေ။၅။ စကားမပြောခင် သေချာစဉ်းစားပါစကားပြောတဲ့အခါ သုံးတဲ့အသုံးအနှုန်းတွေက အရမ်းကို အရေးကြီးသလို အစွမ်းလည်း ထက်ပါတယ်။ စကားလေးတစ်ခွန်းကြောင့်နဲ့ ဘဝကြီးတောင် ပြောင်းလဲသွားနိုင်ပါတယ်။ ကိုယ်က အကြံဉာဏ်တွေ ထင်မြင်ချက်တွေပြောတော့မယ်ဆိုရင် အရင်ဆုံးအဆိုးဘက်က တွေးတာတွေကို ဖယ်ရှားလိုက်ပါ။ ကိုယ် စမပြောခင်မှာ ဘယ်လိုပြောမလဲဆိုတာကို အရင်စဉ်းစားလိုက်ပါ။ ပြီးတော့ အကောင်းဘက်ကနေပြောတာမျိုးဖြစ်အောင် လုပ်ပါ။New Day Jobs ဆိုတာ အလုပ်အကိုင်ပေါင်းများစွာ တစ်နေရာတည်းမှာ ရှာဖွေ တွေ့နိုင်တဲ့ အလုပ်အကိုင် website ဖြစ်ပါတယ်။အလုပ်အကိုင်များ လျှောက်ချင်တယ်ဆိုရင်တော့ New Day Jobs မှတဆင့် ရှာဖွေနိုင်ပါတယ်။

Personal Upgrade
07 Jul 2020
Things To Do For Online Communication | Read more blogs at New Day Jobs

Things To Do For Online Communication

Nanda Win MyintDigital Marketing ExecutiveOnline တွင် စာပို့ပြောဆိုရာတွင် ပြုမူသင့်သောအရာများ အခုနောက်ပိုင်းမှာ Online ကို အသုံးပြုတာ အရမ်းကို များပြားလာပါတယ်။ ပြီးတော့ Freelance(အလွတ်တန်း) လုပ်ကိုင်တဲ့သူတွေလည်းများပြားလာပြီး သူတို့တွေက online ကနေ ဆက်သွယ်ပြီး အိမ်ကနေပြီး အလုပ်တွေကို လုပ်ကိုင်ပေးကြပါတယ်။ဒါပေမယ့် အဲ့ဒီလိုမျိုး online ကနေ တဆင့်ဆက်သွယ်ပြောဆိုရတာက လူချင်းတွေ့ပြီး ပြောဆိုရတာနဲ့ အရမ်းကို ကွာခြားပါတယ်။အဲ့ဒီအတွက်ကြောင့် online ကနေ စာပို့ပြောဆိုတဲ့အခါမှာ နားလည်မှုလွဲတာမျိုးမဖြစ်အောင် ပြောဆိုသင့်ပါတယ်။မနေ့သစ်က သူငယ်ချင်းတို့ကို Online ကနေ စာပို့ပြောဆိုတဲ့အခါမှာ ဘယ်လိုမျိုး ပြုမူပြောဆိုသင့်လဲဆိုတာကို ပြောပြပေးမယ်နော်။(၁) လေးစားမှုရှိပါလူတိုင်းမှာ ခံစားချက်အမျိုးမျိုးနဲ့ အထင်အမြင်အမျိုးမျိုးရှိတတ်ပါတယ်။ ပြီးတော့ကိုယ်က online ကို အသုံးပြုတဲ့အခါမှာ အဲ့ဒါကိုလည်း သိထားဖို့လိုအပ်ပါတယ်။ ကိုယ်က တခြားသူကို မမြင်ရပဲနဲ့ စာပို့ပြောဆိုလို့ရပါတယ်။ ဒါပေမယ့်သိထားရမှာတစ်ခုက အဲ့ဒီ account ကို အသုံးပြုနေတဲ့သူက ခံစားချက်ရှိတဲ့ တကယ့်လူဆိုတာကိုပဲ။ ကိုယ်က အဲ့ဒီလူကို မျက်နှာချင်းဆိုင် မပြောချင်ဘူးဆိုရင် စာပို့ပြောဆိုတာမျိုးလည်း မလုပ်သင့်ပါဘူး။ ကိုယ့်ကို ဒီလိုစကားမျိုးပြောဆိုတာ မကြိုက်ဘူးဆိုရင် တခြားသူတွေလည်း ကြိုက်မှာမဟုတ်ဘူးဆိုတာကို သိထားသင့်ပါတယ်။(၂) ကိုယ်ပို့တဲ့စာကို ဘယ်လိုတွေးမိနိုင်လဲဆိုတာကို သိထားပါပြင်းထန်တဲ့ စကားအသုံးအနှုန်းတွေ အင်္ဂလိပ်စာ စာလုံးအကြီးတွေနဲ့ ရေးတာတွေနဲ့ exclamation marks တွေက စာမှာ အဓိပ္ပာယ်ကောက်လွဲတတ်ပါတယ်။ အချင်းချင်းတွေ့ပြီးစကားပြောဆိုတဲ့အခါမှာ ပိုပြီးနားလည်အောင် လက်ဟန်အမူအယာတွေ မျက်နှာအမူအယာတွေနဲ့ အသံတွေက ကူညီပေးပါတယ်။ အကယ်၍ သိပ်နားမလည်ဘူးထင်ရရင်လည်း ကိုယ်က ပြန်ပြောလို့ရတယ်လေ။ ဒါပေမယ့် ...

Personal Upgrade
15 May 2020
Inspirational Movies To Watch During Thingyan | Read more blogs at New Day Jobs

Inspirational Movies To Watch During Thingyan

ဇာတ်လမ်းကတော့ ဉာဏ်ရည်မပြည့်တဲ့ Forrest Gump တစ်ယောက် သူ့ဘဝကို ရိုးရိုးရှင်းရှင်းဖြတ်သန်းရာကနေ သူ့ရဲ့စိတ်ထားကောင်းမှု နဲ့ အလုပ်ကို တစ်စိုက်မတ်မတ်လုပ်ကိုင်မှုတို့ကြောင့် အောင်မြင်လာပုံကို ပုံဖော်ထားပါတယ်။ ဒါ့အပြင် သူငယ်ငယ်ထဲက ချစ်ရတဲ့ သူ့သူငယ်ချင်းကောင်မလေးနဲ့ Forrest ရဲ့ အချစ်ဇာတ်လမ်းကိုလဲ တွေ့မြင်ခံစားရမှာပါ။ တွေးစရာ၊ လေ့လာစရာတွေအများကြီးပါတဲ့ ကားလေးပါ။ဒီဇာတ်ကားကတော့ ရုန်းကန်နေရတဲ့ အရောင်းသမားဘဝကနေ၊ Stock Brokerage Firm တည်ထောင်သူအဖြစ် ပြောင်းလဲနိုင်ခဲ့တဲ့ Chris Gardner ရဲ့ ဘဝမှန်ကို ဖော်ကြူးထားတဲ့ကားပါ။ နေစရာ၊ စားစရာမရှိတော့တဲ့အချိန်မှာ Chris ရဲ့ စိတ်ဓာတ်ပြင်းထန်မှုု၊ လုံ့လစိုက်ထုတ်မှုကိုတွေ့မြင်ရမှာပါ။ဒီကားကတော့ Facebook တည်ထောင်သူ Mark Zuckerberg ရဲ့ Harvard ကျောင်းသားဘဝနဲ့ Facebook ဖြစ်လာပုံကို ဇာတ်အိမ်တည်ထားပါတယ်။ Mark ရဲ့ ကြိုးစားမှုတွေ၊ အခက်အခဲတွေကို ဖြတ်ကျော်ပုံတွေကို ခံစားရမှာပါ။ဒီကားမှာတော့ Joyဆိုတဲ့ ...

Personal Upgrade
13 Apr 2020
You will receive the email for your email confirmation. Please check!